دوایی ئەوەی لە کۆبۆنەوەی ئەندامان و دۆستانی فەرهەنگ و کوڵتوری کورد لە تاریخ١٨.١١.٢٠١١ لە کۆمەڵەی کوڵتوری کوردی لە رۆمەریکە لە وڵاتی نۆروێژ، بە دەنگدانی ئەندامانی ئەو کۆمەڵە کوڵتوریە یەکەم دەنگم بەدەست هێنا ،ئەمرۆش لە دەنگدانێکی دیکەی ئەندامانی هەڵبژردراو لەو کۆمەڵەدا بە جێگیری کۆمەڵی کولتوری کوردی و هەروەها بۆ بەرپرسی بەشی ئاموزشی ئەم ناوندە فەرهەنگیە هەڵبژردرام، هیوادارم بتوانم رۆڵم هە بێت لە ناسینی شارستانیەت وکوڵتوری گەلی کورد بە خەلکی وڵاتی نورویژ و هەروەها بتوانم نەوەی تازە پیگەیشتوو و منداڵانی کوردی تاراوگە نشین زیاتر بە کوڵتوری دەوڵەمەندی خومانیان ئاشنا بکەین.
لێرەدا زۆر سوپاسی ئەو کەسانە دەکەم کە دەنگیان دا بە من ، منیش هیوادارم لە ئاست ئەو بەرپرسیاریەتەدا بم.
هەروەها داوا لە هەموو ئەو کەسانە دەکەم کە لە وڵاتانی ئوروپادا ژیان دەکەن و لە بوارێکدا کە پیوەندی بە کوڵتوری خۆمانەوە هەیە پسپۆرن پیوەندیمان پێوە بکەن بە تایبەت ئەو کەسانەی لە ولاتی نۆروێژ نیشتە جێن. بۆ ئەوەی بە هاوکاری هەموو لایەکمان لە خزمەت بەرە پێشەوەچوون و گەشەسەندنی کوڵتوری کورد دا بین.
هیچ نظری موجود نیست:
ارسال یک نظر