پسپۆرێکی کۆمەڵناسی لە گەڵ هێندێک لە خوێندکارەکانی سەردانی ناوچەیەکی هەژار نشینی بالتیمۆریان کرد، تاکو بتوانن سەبارەت بە کەیسی، ئێستا و داهاتووی ٢٠٠ کەس لە منداڵە هەژارەکانی ئەو ناوچەیە لێکۆلینەوەیەک ئەنجام بدەن. لە هەموو خوێندکارەکان داواکرا کە هەڵسەنگاندنی خۆیان سەبارەت بەو منداڵە هەژار و بێ ئیمکاناتانە دەرببرن. هەموو خوێندکارەکان بەم جۆرە هەڵسەنگاندنی خۆیان خستبۆ روو کە : " هیچ شانسیان نییە بۆ ئەوەی سەرکەون".
بیست و پێنج ساڵ دوایی پسپۆرێکی دیکە بۆ لێکۆلینەوە لە کەیسی ئەو منداڵانە رەوانەی ئەو ناوچەیە کرایەوە. ئەو داوای لە خوێندکارەکانی خۆی کرد کە بەدواداچوونێک بۆ کەیسی ئەو کەسانە بکەن و بزانن چارەنووسیان بە کوێ گەیشتووە. بە دەر لە بیست کەس لەوان کە مردبوون یان لەو شوێنە کۆچیان کردبوو، لە نێوان ١٨٠ کەس لە ئەوان ١٧٦ کەس سەرکەوتنی باشیان بەدەست هێنابوو، یان ببوونە دوکتۆر یان موهەندیس یان بازرگان و کەسایەتیەکی سەرکەوتوویان لێ دەرچوو بوو.
ئەو پسپۆرە کۆمەڵناسە بە سەرکەوتنی ئەو منداڵە هەژارانە سەری سورمابوو و داوایکرد کە لێکۆلینەوەی زیاتر بکرێت. بە خۆشحاڵیەوە ئەو پسپۆرە توانی هەموو ئەو کەسانە بدۆزێتەوە و داوایلێکردن کە وەڵامی ئەو پرسیارانە بدەنەوە کە لە پێشدا بۆ لێکۆڵینەوەکەی ئامادە کرد بوو.
لەوانەیە جێگەی سەر سوورمان بێت، بەڵام هەموویان لە وڵامی ئەو پرسیارە کە هۆکاری سەرکەوتنی ئێوە بۆ چی دەگەرێتەوە؟ لە وڵامدا گووتبویان:" هۆکاری سەرەکەوتنی ئێمە ، ماموستاکەمانە!".
ئەو مامۆستایە لە ژیاندا مابوو، پسپۆرە کۆمەڵناسەکە لە گەران بدوایدا، دۆزیەوە. مامۆستاکە زۆر پیر ببوو،بەڵام هۆش و زیرەکی خۆی هەر وەک جاران تیژ بوو. پسپۆرەکە بەدوای ئەو وڵامە دەگەرا کە چ فۆرمۆڵێکی جادویی وایکردووە تا کو تۆ بتوانیت لەو منداڵە هەژارانە، کەسایەتیەکی سەرکەوتوو درووست کەیت. ماموستاکە زەردەخەنەی رەزامەندی نیشتە سەر لێوی و گوتی: من کارێکم نەکردووە، بەڵکو من لە ناخمەوە ئەو منداڵانەم خۆش دەویست.
هیچ نظری موجود نیست:
ارسال یک نظر