لە سەردەمێکدا کە دڵ نرخێکی نییە
لە ڕۆژگاری ئەمڕۆدا، پارە و مادییات بوونەتە پێوانەی زۆر شت. هەندێک جار وا هەست دەکەین کە خۆشەویستی، هاوسۆزی و مرۆڤدۆستی لە ژێر سێبەری بەرژەوەندییەکاندا ون بوون. لە دنیایەکدا کە هەژاری، شەڕ و گەندەڵی ڕۆژ بە ڕۆژ ژیانی خەڵک قورستر دەکەن، مرۆڤ زیاتر لە هەر کاتێک پێویستی بە وشەیەکی گەرم، دەستێکی یارمەتیدەر و هیوایەک هەیە کە دڵی پێ ڕووناک بێتەوە.
پێویستە خەڵکانی دەوروبەرمان خۆش بوێن و لە کاتی تەنگانەدا پشتگیرییان بکەین. بەڵام ئەزموونی ژیان منی فێر کردووە کە هەموو کەسێک بە هەمان دڵەوە وەڵامی چاکە ناداتەوە. هەرچی میهرەبانتر بووم، هەندێک جار زیاتر زوڵمم لێ کرا. هەرچی ڕاستگۆتر بووم، درۆی زیاترم بیست. کاتێک بە خاکییەوە مامەڵەم کرد، هەندێکان بەهای کەمتریان بۆ دانام. کاتێک بە متمانەوە دڵم خستە دەستی کەسانی تر، دڵم بریندارتر بوو. تەنانەت ئەوانەی دەیانزانی پێویستم بە هاوکارییان هەیە، هەندێک جار لە هەمووان دوورتر کەوتنەوە.
ئەمانە دەکرێت مرۆڤ بگەننە ئەو بیرەی کە دڵی دابخات و چیتر متمانە بە کەس نەکات. بەڵام من نامەوێت هەڵەی ئەوان سروشتی من دیاری بکات. دەمەوێت هەروا میهرەبان بم، بەڵام فێر ببم سنوور بۆ خۆم دابنێم؛ ڕاستگۆ بم، بەڵام متمانەم بە کردار ببەخشم، نە بە وشەی جوان؛ خەڵک خۆش بوێن، بەڵام خۆشم لەبیر نەکەم.
لە کۆتاییدا، ئەگەرچی ئەم ڕۆژگارە زۆر جار دڵە باشەکان ماندوو دەکات، هێشتا پێم وایە مرۆڤایەتی بە هۆی هەمان دڵانەوە زیندووە. چاکە بکەین، بەڵام با فێر بین چۆن دڵی خۆشمانیش بپارێزین.
هیچ نظری موجود نیست:
ارسال یک نظر