بەشی پەنجەم:
بێ شعوری کەسایەتیەکی ئاینی سفەت
خۆشبەختانە هەموو پیاوە ئاینیەکان بێ شعور نین، پیاوی ئاینی زۆرمان هەیە کە بە پێی رێهنمایەکانی ئاینەکەیان کاری باش ئەنجامدەدەن،بەڵام بەو حاڵەش نابێت کە لەو کەسانەی بە ناوی دین و ئایین کردەوی دوور لە هەستی مرۆڤایەتی ئەنجام دەدەن غافڵ بین. وەک هەر شتێکی دیکە ئاینیش ئەگەر بکەویتە دەستی کەسێکی خەراپ بە لارێدا دەبردرێت.ئەو بێ شعورانە بە دوو تایبەتمەندی لەوانەی دیکە جیا دەکرێنەوە.
· ئەوان لە یەک کاتدا دەتوانن لە خوا و شەیتان بۆ ترۆرکردنی دوژمنانی خۆیان کەڵک وەرگرن، بەو مانایە کە ئەوان دەتوانن بە نزیکبوونەوە لە خوا و دوورکەوتنەوەیان لە شەیتان وەک ئامرازێک بۆ دەستراگەیشتنیان بە ئامانجە دژە مرۆڤایەتیانەی کە مەبەستیانە کەڵک وەرگرن.
· ئەوان وادەزانن کە ئەرکی ئەخلاقییانە تاکو نارەحەتی و خەمۆکی و بیروبۆچونی خۆیان بە سەر خەڵکانی دیکەدا بسەپێنن. زۆر یەک لە بێ شعورەکان پێیان خۆش نییە کە کەس سەر لە لا کار وباریان دەر بێنێت، بەڵام ئەم جۆرە بێ شعورە جیاواز لەوانەی دیکەیە.بە پێچەوانە ئەوان هەموو هەوڵەکانی خۆیان دەخنە گەڕ بۆ ئەوەی کەسانی دیکە راکێشن بۆ لای خۆیان ، بەو واتایە ئەوان دەیان هەوێت کۆپیەک لە خۆیان دروست بکەن.
· ئەوان مەغرور و لە خۆباین، خاکی بوون لە لای وان مانایەک نابەخشێت و تا کو سەریان بە بەرد نەکەوێت لەو بوارەدا هوشیار نابنەوە، بەڵام هێچ کام لەو شتانەش نابنە هۆی ئەوە کە ئەوان سەبارەت بە بابەت گەلێک وەک مێهرەبانی و چاکەکەردن و... وتار نەدەن. لە راستیدا ئەوان سەبارەت بە خاکی بوون و پاداشی مرۆڤی روشت بەرز بۆ خۆیان قسەناکەن، بەڵکو ئەوان دەیان هەوێت ئەو قسانە بە گوێی ئێوەدا بخوێنن. لە واقعیدا ئەوان کارێک دەکەن کە ئێوە بۆ ئەوان کرنۆش بەرن.
· ئوسلوبی ژیانی وان، لە لای خۆیان تەنیا رێگەی راست ودروستی ژیانە،ئەوان پێیان وایە کە تەنیا ئەوان لە سەر حەقن و شێوەی ژیانکردنی وان دروستە.لە راستیشدا هەر لەو بوارەدایە کە زۆر یەک لەو بێ شعورانە دەیان هەوێت یارمەتی خەڵکانی دیکە بدەن. ئەوان نە تەنیا بۆ کۆپیکردنی خەڵکانی دیکە لە ئایەتی کتێبە پیرۆزەکان کەڵک وەردەگرن، بەڵکو دەشیان هەوێت کە بیروبۆچونی خۆشیان بە سەر ئێوەدا بسەپێن و ناچارتان کەن کە وەک وان بیر کەنەوە. هەرکەسێکیش لە گەڵ ئەوان بکەوێتە موناقشە وا نیشاندەدەن کە شەیتان چۆتە لەشی کەسی بەرانبەریانەوە.
ئەو جۆرە بێ شعورانە زۆر زیرەکن لە بەسەرهات و دروستکردنی قسە کە پیوەندیان بدەن بە خوا و پیغەمبەران، ئەوان زۆرتر جەخت لە سەر مەسائیلێک دەکەنەوە کە پیاو چاکان و موسەلمانان هیچکات سەبارەت بەو شتانە پرسیار ناکەن و بێ باوەرەکانیش زۆر لەو مەسائیلە سەردەر ناهێنن کە بۆیان ببێتە جێگەی پرسیار و رەخنەیان ئاراستە کەن. ئەوانیش وەکو باقی بێ شعورەکانی دیکە بە گەورەکردنی شتەکان، ئامانج و مەبەستەکانیان دەبەنە پێش.
بێ شعوری ئاینی سفەت، هێزی وتار بێژی باشیان هەیە و بە ئاسانی دەتوانن کە سەرنجی خەڵکان بە لای خۆیاندا راکێشن. هێندک جار ئەو بێ شعورانە بە باوەر بەخۆبوونێکی زۆر بە خۆیان وا خۆ نیشاندەدەن کە دەتوانن سەگێکی هار بترسێنن، ئەوان بۆ پێش بردنی مەبەستەکانیان هەرکارێک پێویست بێت دەیکەن.
ئەوان رەحم و بەزەییان نییە، هەرچەند خۆیان وا نیشاندەدەن کە رەحم و بەزەیی لە وتارەکانیاندا بە شێوەیەکی سەیر و سەرنج راکێش دەردەبرن،بەڵام هەڵس وکەوتی ئەوان بە جۆرێکە گوایە پێکەوە هەڵکردن و پێکەوژیان بە شێوەیەکی ئاشتیانە مەترسیەکە بۆ سەر مرۆڤ، تەنیا لە باردۆخی تایبەت کەڵکی لێوەردەگرن.ئەو جۆرە بێ شعورانە لەوی عیب و عاری کەسانی دەوروبەریان ئاشکرا دەکەن و ئیدانە وترۆری کەسایەتیان دەکەن چێژ وەردەگرن. بە خۆشحاڵیەوە ئەو جۆرە بێ شعورانە لە خوا نزیک نابنەوە، ئەگەر نزیک بانەوە دوور نەبوو کە لە خواش رەخنە بگرن.
ئەوان عاشقی ئەوەن کە گناح بکەن، لەوەی کە وا خۆنیشاندەدەن کە لە گناحکردن بێزارن تەنیا دروشمیانە، ئەوان لەوەی کە خاڵە لاوازەکانی کەسانی دەوروبەریان زەق کەنەوە خۆشحاڵن و وزەی لێوەردەگرن. ئەوان پڕن لە وزە و ئەنەرژی نیگاتیڤ و دڵیان پرە لە رق و کینە. بە کورتی ئەوان نەخۆشی سادیسمیان هەیە کە پێیان خۆشە بەردەوام خەلکانی دەور و بەریان ئەزیەت و نارەحەت کەن. سەرەرای ئەوە ئەوان کەسانێکی دوورووی زۆر زیرەکەن کە دەتوانن بە ئاسانی فێڵ بکەن و ئامانجەکانیان بەرەو پێشەوە بەرن.
هیچ نظری موجود نیست:
ارسال یک نظر